Ballina Receta Fileto pule me krem limoni

Fileto pule me krem limoni

Nqs jemi mërzitur duke gatuar filetot e pulës vetëm në një mënyrë, kjo recetë do t’iu pëlqejë shumë.

Përbërësit për 2 persona:

– 4 fileto pule (të marra nga gjoksi i pulës)
– 1 limon
– Miell aq sa duhet
– Kripë e piper sipas dëshirës

Përgatitja:

Per këtë recetë zgjidhni fileto që janë paksa të hollë.
Se pari duhet të bëni gati të gjithë përbërësit. Në fillim shtrydhni limoni. Me pas kaloni filetot e pulës në miell dhe shkundin që të bjerë mielli i tepërt.

Skuqini në një tigan ku keni nxehur vaj ulliri dhe pak gjalpë. Kthejini filetot e pulës nga ana tjetër dhe pasi të jenë pjekur hiqini dhe vendosini në një pjatë.
Me pas shtoni edhe pak miell (gjys luge) në tiganin ku keni skuqur filetot e pulës dhe trazojeni përnjëherë me luge druri pa e lënë miellin të marrë ngjyrë.

Hidhni direkt lëngun e limonit dhe perziejeni që të mos bëhet mielli me toptha të vegjël. Shtoni edhe 3/4 e gotës me ujë dhe lëreni te trashet pak duke e përzier gjithmonë. Hidhini kripë dhe piper sipas dëshirës.

Me pas fusni edhe filetot e pulës që skuqen më parë dhe lëreni te marrin shijen e kremit të limonit që përgatitem. Kthejini filetot nga ana tjetër duke i pjekur për pak minuta të tjera dhe hiqeni tiganin nga zjarri.

Servireni këtë pjatë të ngrohtë.

Për të marrë lajmet e fundit të “DuaLajm.com”, ndiq edhe faqen tonë në Facebook