Ballina Receta Gjellë me mish pule dhe qumësht

Gjellë me mish pule dhe qumësht

 

Mishi i pulës mund të gatuhet në shumë mënyra. Sot po iu sjellim recetën e plotë sesi të gatuani gjellë me mish pule dhe qumësht.

Përbërësit:
-500 gr mish pule,
-2 karota,
-1 spec jeshil,
-1 qepë,
-1 lugë gjalpë,
-1 gotë qumësht,
-2 gota ujë,
-1 kubë galina për supë,
-3 lugë vaj,
-piper te zi,
-kripë.

Përgatitja:

Në fillim grini qepën dhe skuqeni në një tenxhere ku keni hedhur gjalpin, shtoni karotat e grira dhe specat.
Pasi janë skuqur shtoni ujin dhe kur uji të ketë nisur të ziejë shtoni mishin e pulës të prerë në kubikë.
Përzierjen lëreni të ziejë derisa mishi i pulës të jetë zierë, shtoni vajin dhe galinën e thërrmuar.
Kur lëngu të jetë trashur hiqeni dhe shtoni qumështin. Tenxheren vendoseni sërish të ziejë për 15 minuta, kripën dhe piperin shtojeni sipas dëshirës.
Supa është gati! Ju bëftë mirë!

Për të marrë lajmet e fundit të “DuaLajm.com”, ndiq edhe faqen tonë në Facebook