Ballina Receta Makarona me kungull dhe karkaleca

Makarona me kungull dhe karkaleca

Makarona me kungull dhe karkaleca

Përbërësit:

  • 320 gr makarona
  • 300 gr karkaleca
  • 350 gr kungull i njomë
  • 2 thelpinj hudhër
  • Pak piper pikant
  • Pak majdanoz
  • Vaj ulliri
  • Kripë

Përgatitja:

Fillimisht vendosim makaronat të ziejnë në ujë me kripë sipas minutazhit të përcaktuar në paketim. Ndërkohë presim kungullin në feta rrumbullake me trashësi 2-3 mm. Në një tigan pa yndyrë vendosim 1 thelpi hudhër të cilën e largojmë sa të aromatizohet vaji, shtojmë kungujt dhe i kaurdisim herë pas here që të mos marrin ngjyrë duke i vendosur dhe kapakun.

Shtypim hudhrën me tehun e thikës dhe e grijmë atë shumë imët, shtojmë më pas 1 lugë gjethe majdanoz të grirë hollë.

Në një tigan tjetër ngrohim 2 lugë vaj ulliri dhe kaurdisim hudhrën e grirë imët së bashku me pak piper pikant me fara. Sapo të cingërojnë shtojmë karkalecat, i lemë ato 2-3 minuta duke shtuar më pas kungullin e gatuar dhe pak kripë si dhe makaronat e zjera. I përziejmë mirë duke shtuar dhe 1 garuzhde ujë nga lëngu i zierjes së makaronave dhe i servirim të ngrohta me pak majdanoz të freskët.

Për të marrë lajmet e fundit të “DuaLajm.com”, ndiq edhe faqen tonë në Facebook