Ballina Receta Receta e Gatimit/ Si të gatuajmë supë me panxhar dhe salcë kosi

Receta e Gatimit/ Si të gatuajmë supë me panxhar dhe salcë kosi

Përbërësit

  1. 500g panxhar i kuq
  2. 2 qepë të njoma
  3. 1 mollë jeshile
  4. 1 patate
  5. 1/2 litër lëng zarzavatesh
  6. 80g kos i bardhë
  7. 50g djathë Gorgonzola
  8. vaj ulliri
  9. kripë e piper

Përgatitja

  1. Panxharin e larë e ziejmë në tenxhere me ujë derisa të zbutet.
  2. E qërojmë dhe e ndajmë në kubikë.
  3. Pataten e qëruar, mollën dhe qepët, të ndara në kubikë, i vëmë të ziejnë në tenxhere me lëngun e zarzavateve duke shtuar këtu edhe copat e panxharit.
  4. I lëmë të ziejnë
  5. I hedhim më pas në blender dhe i grijmë derisa të jenë bërë si pure.
  6. E rregullojmë për kripë e piper.
  7. Grijmë tani në blender djathin Gorgonzola e kosin.
  8. E shërbejmë supën me salcën e kosit sipër.