Ballina Receta Receta e qofteve më të shijshme që keni ngrënë ndonjëherë

Receta e qofteve më të shijshme që keni ngrënë ndonjëherë

Kjo është receta më e vjetër e përgatitjes së qofteve më të shijshme që keni ngrënë ndonjëherë.

Duhen vetëm 20 minuta për t’i gatuar, por pas ngrënies së tyre vështirë se mund t’i rezistoni dëshirës për t’i konsumuar sa herë t’ju jepet mundësia.

Përbërësit:

  • -60 gr thërrime buke
  • -60 ml qumësht
  • -400 gr mish i girë viçi
  • -200 gr mish i grirë
  • -1 vezë
  • -30 gr djathë kaçkavall
  • -Pak arrëmyshk
  • -1 lugë gjelle majdanoz
  • -1 lugë gjelle nenexhik
  • -Vaj
  • -Kripë
  • -Piperi zi

Përgatitja:

1. Shtoni thërrimet e bukës në një tas mesatar sëbashku me qumështin dhe lërini për 10 minuta, derisa buka të përthithë gjithë qumështin.

2. Më pas shtoni në të mishin e viçit dhe atë të derrit.

3. Hidhni vezën, djathin e grirë, arrëmyshkun, majdanozin dhe nenexhikun e copëtuar.

4. Spërkatini me pak kripë dhe piper të zi dhe përziejini mirë të gjithë përbërësit që të përftoni një masë homogjene.

5. Më pas merrni nga masa e përgatitur dhe formoni qoftet në formën që dëshironi.

6. Vendosni një tigan me vaj dhe renditni qoftet në të.

7. Skuqini për disa minuta nga të dyja anët dhe renditini në një pjatë për servirje.

Për të marrë lajmet e fundit të “DuaLajm.com”, ndiq edhe faqen tonë në Facebook