Ballina Receta Recetë familjare me lulelakër

Recetë familjare me lulelakër

Përbërësit:

700 gr lulelakër
200 gr mish të grirë
1 kokërr qepë
1 thelpi hudhër
1 karrotë
1 spec pikant
150 gr domate në copa
50 gr pure domate
500 ml ujë
4 lgj vaj ulliri
Limon
Majdanoz

Përgatitja

1. Fillimisht vendosim një tenxhere me ujë të ziejë, vendosim në të tulin e një limoni të prerë në copa dhe 1 lugë çaji kripë.

2. Lajmë shpëlajmë boçet e lulelakrës dhe i vendosim të ziejnë për 4 minuta.

3. Më pas e largojmë lulelakrën duke e vendosur në ujë të ftohtë me qëllim që të mos na zbutet më shumë por të jetë gjysëm e zier.

4, Ndërkohë përgatisim kimën duke kaurdisur në një tigan me vaj ulliri qepën të grirë imët, karrotën të prerë në kubikë të vegjël dhe specin po ashtu të grirë imët.

5. Të gjithë këta përbërës i kaurdisim derisa qepa të bëhet transparente, më pas shtojmë mishin e grirë.

6. E trazojmë mishin derisa të ndryshojë ngjyrë dhe më pas shtojmë domaten të prerë në copa, purenë e domates, pak ujë, kripë dhe piper të zi dhe i lemë derisa të gjithë përbërësit të marrin një valë.

7. Vendosim lulelakrën në një tenxhere të thellë dhe shtojmë kimën e përgatitur dhe e lemë lulelakrën të ziejë së bashku me kimën për 5 minuta duke shtuar në fund dhe 2 lugë majdanoz të grirë imët dhe më pas e shërbejmë të ngrohtë.

Për të marrë lajmet e fundit të “DuaLajm.com”, ndiq edhe faqen tonë në Facebook