Ballina Receta Si të gatuajmë një tavë elbasani

Si të gatuajmë një tavë elbasani

Tava e elbasanit, është një recetë e cila u gatua gjerësisht nga shqiptarët edhe në kohën e sulltan Mehmetit II.

Mendohet se mënyra e përgatitjes së kosit, ka shërbyer për të shpikur edhe beshamelin.

Ja si mund ta gatuajmë:

 

Përbërësit:

  • 500 gr mish qengji (me kockë)
  • 350 gr kos (natyral)
  • 2 vezë (të verdhat)
  • 10 gr kripë
  • 20 gr miell
  • 25 gr oriz
  • 60 gr gjalpë
  • 1 kokërr hudhër
  • 10 kokrra piper i zi
  • gjysmë gjethe dafine
  • gjysmë qepë (e thatë)

Përgatitja:

Mishin e qingjit bashkë me gjethe dafine, gjysmë qepe të thatë, kokrrën e hudhrës, piperin e zi i vendosim në 1 litër e gjysmë ujë bashkë me kripën dhe i vemë të ziejnë rreth 1 orë.

Kosin e përziejmë me vezët e rrahura.

Skuqim miellin me gjalpin në zjarr të ngadaltë.

Pastrojmë mishin e qengjit nga kockat, i vendosim në tavë (nuk përdoren erëzat, qepa dhe hudhra).

Përziejmë miellin me kosin e rrahur dhe i vendosim mbi mish.

Hedhim në përzierjen e tavës sasinë e orizit për mpiksje.

Rregullojmë sasinë e kripës.

E vendosim në furrë për 180 gradë për 20-25 minuta.

Për të marrë lajmet e fundit të “DuaLajm.com”, ndiq edhe faqen tonë në Facebook