Ballina Kryesore Ruajuni nga vera e nxehtë , problemet që shkakton dielli

Ruajuni nga vera e nxehtë , problemet që shkakton dielli

25 persona në 100 mijë banorë në Europë, preken nga melanoma, kanceri më i rrezikshëm i lëkurës. Mjekja dermatologe në Qendrën Spitalore Universitare Nënë Tereza, Monika Fida kërkon të ndërgjegjësojë qytetarët që të ruhen nga rrezet të cilat janë shkaktaret e para të kancerit të lëkurës.

“Në Evropë 20 deri në 25 raste diagnostikohen me melanomë për 100 mijë banorë  dhe e theksoj me melanomë pasi është një kancer malinjë i lëkurës. Por i diagnostikuar herët mundet që prognoza të jetë shumë e mirë dhe e kurueshme.”

Por cilët janë më të prekurit ?

“Personat që kanë fenotip të parë ose të dytë, personat që janë bjondë, që e kanë ngjyrë e syve të çelur, që janë djegur shumë gjatë fëmijërisë, një individ që është djegur në fëmijëri më shumë se dy herë paraqet në risk më të lartë të shfaqjes së kancerit të lëkurës ose melanomës. Gjithashtu personat që kanë histori familjare me kancer lëkure ose për melanomë janë më të prirur dhe më të riskuar për të shfaqur këtë sëmundje gjatë jetës së tyre.”

Melanoma është një nga format me vdekjeprurëse të kancerit të lëkurës, statistikisht  shkakton rreth 75% të vdekjeve duke u konsideruar kështu si një problem i madh social.