U shit në ankand për 5.2 milion euro koka e një statuje të faraonit Tutankhomon, që i takon 3000 viteve më parë. Kajro i kishte kërkuar shtëpisë së ankandeve londineze Christie’s të anulonte shitjen, duke thënë që vepra ishte vjedhur nga tempulli i Luxor në vitet 70-të. Një kërkesë e tillë nga shtëpia e ankandeve është justifikuar me publikimin e një liste të pronarëve të fundit’ duke u mbrojtur me faktin ‘se ky objekt nuk kishte qenë kurrë në qendër të hetimeve’

Origjina-Koka, e gjatë vetëm 28 centimetra, me kuarc ngjyrë kafe, përfaqëson faraonin- e ri, i ngjashëm me zotin Amon, ekuivalent me zotin grek Zeus në besimin egjiptian. Vepra, fillimisht e vlerësuar rreth 4 milion e gjysmë euro, është blerë nga një pronar i ri, identiteti i të cilit ka mbetur anonim, për 5.2 milion euro.

Polemikat –Vepra e tre mijë viteve më parë është ende një objekt polemikash mes qeverisë së Kajros dhe shtëpisë londineze të ankandeve. Sekretari i përgjithshëm i këshillit suprem të antikitetin egjiptian Mustafa Waziri, ka njoftuar që Egjipti do të ndjekë rrugët ligjore për këtë çështje.

Ministri i Jashtëm egjiptian kishte kërcënuar se do të ndërhynte, duke i kërkuar Christie’s të tregojë dokumentet që tregojnë legjitimitetit e pronës së kokës, që vinte nga një koleksion i njohur privat i objekteve egjiptiane, Resandro Collection, pas shitjeve nën dorë në bëra në mes të viteve Shtatëdhjetë dhe Tetëdhjetë.

Kajro kishte njoftuar që kishte përfshirë edhe autoritetet britanike dhe Unescon ‘për të ndaluar proçedurën e shitjes’ së këtij objekti dhe të objekteve të tjerave, që sipas një ligji të 1983 janë pronë e shtetin egjiptian. Pavarësisht të gjithave polemikave aktualisht vepra e artit është në duart e blerësit të ri.