Gazetari Bledi Mane, i njohur për kritikat e tij ndaj pushtetarëve por jo vetëm, nuk e ka lënë pa kaluar dhe situatën e krijuar nga protestat e studentëve përgjatë 8 ditëve të fundit. 

Përmes një statusi në rrjetin e tij social Facebook, Mane ka kritikuar rreptësisht disa nga figurat e njohura të ekranit si edhe kolegë të tij gazetarë në lidhje me përkrahjen që këto të fundit i japin kauzës së ndërmarrë nga studentët. 

Duke përmendur emra si: Monika Kryemadhi, Andi Bushati, Ylli Rakpillari, Edmond Tupe, Armand Shkullaku etj, gazetari Mane ka nënvizuar faktin se janë po të njëjtët  që “themelet dhe muret e kësaj ngrehine që studentët po e luftojnë në këto ditë të ftohta Dhjetori”, i kanë ngritur vetë ato.   

Në reagimin e plotë të gazetarit thuhet: 

“PO ARMINA MEVLANI DHE ERIK FULLANI E PËRKRAHIN PROTESTËN TUAJ?
Nga Bledi Mane-Public Enemy
1./ Ulerasin e bertasin me shume se ju. Klithin plot histerizem sikur te jenë ata që vuajnë nga padrejtesite dhe fukarallëku akademik. Nuk kanë lidhje aspak me kauzën tuaj por kerkojne te bëhen udheheqesit tuaj shpirterorë e mendorë porsi një guru. Kanë ndezur motorrët e cinizmit dhe mes rreshtave të reagimeve te tyre lexohet qartë orientimi dhe yshtja: Përmbysni sistemin, jo vetëm sistemin arsimor por gjithe establishmentin e 28 viteve tranzicion. Harrojne qe themelet dhe muret e kesaj ngrehine i kane ngritur edhe ata.
🔴Monika Kryemadhin pyeteni jo per doktoraturen e vjedhur. Gruaja e presidentit te republikes shqiptare te tre femijet e saj kurre nuk i çoi ne shkollat publike por vetem ne ato private. Sot per dy femijet më të rritur shpenzojne 40 mijë paund në vit ne shkollat private angleze. Plot 60 milione lekë harxhon familja presidenciale per arsimim jo ne Shqiperi, por jashte republikes se tyre. Dhe qan Monika, vajton per hallet tuaja.
🔴Andi Bushati, gazetari qe nuk fle gjume per hallet tuaja. E njihni ju djali i kujt eshte Andi? Nëna e tij Vera Kapo Bushati, pedagogia legjendare e arkitektures qe u ka grirë nga leket ne Fakultetin e Inxhinierise se Ndertimit. E tashme Vera pavaresisht se eshte pensioniste vazhdon te jete pedagoge ne universitetin privat Polis ku nje student paguan 4 mije euro ne vit per shkollim. Pyeteni Andin e Verës ne çfare shkollash e çon djalin e tij? Andi qe vajton per hallet tuaja shpenzon 2 mije e 800 euro ne vit ne nje prej shkollave private me te shtrenjta te Tiranes.
🔴Edmond Tupe, kunati i deputetit demokrat Edi Paloka, pedagogu qe sherbeu 42 vite ne autitoret e universitetit të Tiranës asnjehere nuk ngriti zerin per shkollat e ftohta, bibliotekat pa libra, konviktet mizerje…Tupja kurre nuk braktisi mesimin per tua perplasur hallet tuaja ne fytyre rektorateve apo qeverive e nderkohe tani qe ka dale ne pension po ngre zërin e tij te mekur.
🔴Ylli Rakipi, gazetari qe zbulon skandale prej miliona eurosh sot eshte i deshperuar per hallet e studenteve shqiptare, nderkohe 2 femijet e tij keto 10 vite kane shpenzuar 130 mije euro per arsimim ne Vjenë dhe 85 mije paund ne shkollat private te Anglise.
🔴Armand Shkullaku, gazetari tjeter vajtues i brengave studentore. Gazetari qe jeton ne nje vilë te thjeshte 650 mijë euro ne zonen ekskluzive Rolling Hill ne periferinë lindore të Tiranës, shpenzon çdo vit 23 mije paund per studimet e vajzes se tij ne Londer.
🔴Po politikanin Petrit Vasili e keni pyetur? Petriti qe derdh lotët e tij nga sytë e fishkur duhet pyetur pse e votoi ligjin e arsimit te lartë dhe sot e kundershton? Pyeteni Titin pse nuk e sjell ne Shqiperi djalin e tij nga Italia ku jeton e studion? Petriti me rrogen mujore pre 1 milione lekesh por që per te birin e tij shpenzon 1700 euro çdo muaj.
🔴Grida Duma duhet pyetur si filloi pune pedagoge ne universitetin publik dhe ate privat. Grida “hapi trurin apo kemebet” per atë vend pune? Grida 12 vjet pedagoge por kurre nuk u deshperua per sistemin arsimor, nuk u ndje dhe beri kompromis me paaftesite dhe mizerjen tuaj.
🔴Lulzim Basha kryetari i opozites nuk e çoi asnjehere ligjin e arsimit te lartë per ankimim ne gjykaten Kushtetuese. Lulezimi qan hallet e nxenesve dhe studenteve shqiptare por 2 vajzat e tij asnjehere nuk kane bere sikur edhe nje dite te vetme mesim ne shkollat shqiptare por gjithmone per çerdhet, kopshtet dhe shkollat e vajzave te tij ka shpenzuar deri tani 50 mije euro atje ne Hollande.
Eshte liste e gjate kjo e vajtuesve te halleve tuaja por dua qe qershia mbi tortë të mbetet ulerima e kengetares Besa. 
🔴Vajza e kodoshit Koço Kokedhima eshte me ju virtualisht por ju besoj nuk e harroni. Prej 20 vitesh babai i saj eshte tallur dhe ka fyer 450 studente gazetarie. I punesonte ne kompanite e tij, i shfrytezonte, i miklonte e pastaj i flakte ne rruge duke mos u dhënë as rrogen e as honoraret.
2./
Mua personalisht vazhdoni të më mbani në listën e zezë te protestes tuaj por ndjehuni më mirë me opinionin e nje gazetari te lirë që nuk u bën dot fresk ne keto dite te ftohta dhjetori. Unë isha skeptik qysh ditën e parë të protestës dhe vazhdoj të mbetem i tillë per aq kohë sa ju nuk gjeni kurajon të finalizoni kauzën tuaj!” shkruan në postimin e tij Bledi Mane.

LEXO EDHE:  "Fakulteti digjet Dhori krihet". Studentët kërkojnë largimin e dekanit të Ekonomikut.