Janë arrestuar sot disa biznesmenë për mashtrim me TVSH, por ja cili ishte ideatori i këtij mashtrimi me vlerë 9 milionë dollarë.

Biznesmenët e arrestuar për mashtrim me TVSH, kishin krijuar subjekte fantazmë dhe dorëzonin në zyrat tatimore fatura fiktive të TVSH-së, përmes të cilave përfitonin rimbursim. Përmes kësaj skeme mashtruese, shtetit i është shkaktuar një dëm prej 9 milionë dollarë.

11 biznesmenët e akuzuar për mashtrim me TVSH kishin regjistruar subjekte tregtare në mënyrë fiktive, në fushën e ndërtimit. Hetimi i krimit ekonomik në policinë e kryeqytetit zbuloi se drejtuesit e firmave private nuk kishin asnjë lloj aktiviteti, edhe pse lëshonin fatura TVSH-je për hyrje-dalje.

Këto fatura fiktive ata i dorëzonin tek Drejtoria e Tatimeve, ku merrnin rimbursimin  e TVSH-së prej 20% për çdo blerje që kishin kryer. Administratorët e këtyre bizneseve janë Dhimitraq Çelo, Shkëlqim Hasani, Bujar dhe Ruzhdi Murataj, Indrit Sulaj dhe Nevruz Lami. Më këtë skemë mashtrimi së bashku me 5 persona të tjerë të shpallur në kërkim, biznesmenët i kanë shkaktuar shtetit një dëm ekonomik prej 9 milionë dollarësh.

Nga deklarimet e të arrestuarve del se Nevruz Lami, ka kontaktuar me 10 personat e tjerë që janë pjesë e këtij hetimi, duke i mashtruar se do t’u gjente punë. Ai u kishte marrë letër-njoftimet personave nën hetim, duke i dërguar tek noterja për të firmosur prokura dhe më pas bizneset janë regjistruar në QKR.

LEXO EDHE:  Kishin fshehur në një çantë shpine 11.5 kg heroinë, kapen "mat" dy shqiptarët dhe një italian

Në momentin e prangosjes, të arrestuarit u gjetën në punët e tyre respektive ku kanë qenë të edhe administratorë fiktivë të firmave private dhe urdhërat e arrestit për 6 biznesmenet u ekzekutuan në emër të operacionit “Situacioni”. 

Për të marrë lajmet e fundit të “DuaLajm.com”, ndiq edhe faqen tonë në Facebook