Ballina Sociale Njihuni me 10 librat që do ju ndryshojnë jetën nëse i lexoni

Njihuni me 10 librat që do ju ndryshojnë jetën nëse i lexoni

Para zbulimeve të mëdha të teknologjisë, i vetmi mjet informimi, “ura lidhëse” mes vendeve, kontakti i vetëm me të kaluarën ishte libri.

Librat ditët e sotme si formë e shmangies nga realiteti apo zgjerim i horizonteve të dijeve brenda të cilave jetojmë. Disa thonë se ne e “humbim” veten në libra, por gjithashtu edhe e “gjejmë” veten në to.

Çdo libër është një aventurë e re, një mësim i ri, çdo libër përcjellë një mesazh te lexuesi, e aftëson të menduarit, zgjeron kufijtë e fantazisë dhe i jep ndjenjën e të qenit me një mik të mirë.

“DuaLajm.com” ju njeh me 10 librat kyevepër, të cilat nëse i lexoni jeta juaj do të ndryshojë.

1. ALKIMISTI

AUTORI: Paulo Coelho

VITI: 1988

PERMBLEDHJA: I botuar fillimisht në gjuhën portugeze, ky rrëfim frymëzues vetëzbulimi ndjek Santiagon, një bari andaluzian që dëshiron shumë të udhëtojë në kërkim të një thesari tokësor. Por kërkimi e shpie në një tjetër drejtim – shumë më të kënaqshëm – për të mësuar se si të dëgjojë zemrën dhe të ndjekë ëndrrat e tij.

E VEÇANTE: I lehtë për t’u lexuar dhe shumë përshkrues, kjo kryevepër do ju frymëzojë që të merrni guxim në rrugën e ndjekjes së ëndrrave tuaja – ashtu si Santiago.

2. RRUGA E ARTISTIT

NGA: Julia Cameron

VITI: 1992

PERMBLEDHJE: Në thelb një libër për përmirësimin e kreativitetit vetiak, ky libër e shpie lexuesin përgjatë një rruge shpirtërore, artistike. Me detyra për t’u përfunduar në fund të secilit kapitull, leximi i këtij libri është një gjë me të vërtetë dinamike.

E VEÇANTE: I thellë e prapëseprapë i thjeshtë, ky libër ka fuqinë të ndezë krijimtarinë tek cilido – nga kontabilistët, tek atletët dhe gjithë të tjerët.

3. JETA E PI-së

NGA: Yann Martel

VITI: 2001

PERMBLEDHJA: Pi Patel është djali i një punonjësi kopshti zoologjik, me njohuri enciklopedike të kafshëve dhe një shije për filozofinë. Ndërkohë që emigron në Amerikën e Veriut nga India me familjen e tij, anija e tyre mbytet – dhe Pi e gjen veten të vetëm, në një varkë shpëtimi, bashkë me  një hijenë, një orangutang, një zebër të plagosur dhe Richard Parker, një tigër bengali … apo jo? Ajo që vijon është një përrallë fantastike me intriga dhe aventurë.

E VEÇANTE: Ndonëse ky nuk është një libër mbi fenë, ai është një rrëfim rreth rëndësisë së besimit në diçka – qoftë kjo Perëndia, Nënë Natyra, ose forca jote.

4. RRUGA MË PAK E SHKELUR

NGA: M. Scott Peck

VITI: 1978

PERMBLEDHJA: Një kryqëzim mes psikologjisë dhe spiritualitetit, ky libër është i mbushur me depërtime dhe urtësi rreth atributeve që e bëjnë një person të ndihet i plotësuar. Me një ekzaminim elokuent të koncepteve komplekse njerëzore, si disiplina dhe dashuria, Peck hedh teorinë për katër faza të ndryshme të zhvillimit shpirtëror njerëzor, përgjatë rrugës së vetë-realizimit.

E VEÇANTE: Kjo i thotë të gjitha: “Problemet kërkojnë që të nxjerrim guximin dhe mençurinë tonë, vërtet, ato krijojnë kurajën dhe urtësinë tonë”.

5. HISTORIA E DASHURISË

NGA: Nicole Kraus

VITI: 2005

PERMBLEDHJA: Ky libër brenda një libri, shumë i bukur, tregon historinë e Leo Gurskyt dhe dashurinë e jetës së tij, Alma. Me një aventurë që përshkon oqeane dhe dekada, romani ushqehet prej trilleve të mistereve dhe gëzimit të lidhjes.

E VEÇANTE: Ky libër do t’ju lejojë të mendoni për Leon dhe Almën për ditë të tëra, pasi ta keni përfunduar atë – dhe ndërsa historia do të largohet dalëngadalë nga pjesa e përparme e mendjes tuaj, ajo kurrë nuk të ikë me të vërtetë.

6. BISEDA ME PERËNDINË

NGA: Neil Donald Ualsch

VITI: 1995

PERMBLEDHJA: Emri i plotë i kësaj trilogjie është “Biseda me Perëndinë: Një dialog i pazakontë” – dhe është me të vërtetë një dialog i pazakontë. E gjithë seria është një bisedë magjepsëse midis autorit dhe ‘Zotit’ – në tema që variojnë nga feja dhe spiritualiteti, tek arsimi, dashuria dhe politika.

E VEÇANTE: Pavarësisht nga besimet tuaja, këto libra të frymëzuar dhe frymëzues do t’ju sfidojnë të mendoni për botën rreth jush dhe vetë ekzistencën tuaj.

7. PEMA QE JEP

NGA: Shel Silverstein

VITI: 1964

SYNOPSIA: Pema që jep është tregimi i bukur dhe prekës i një peme, e cila donte një djalë të vogël. Pema e do djalin dhe bën gjithçka që mundet për të, teksa ai rritet – pa marrë fare parasysh se çfarë ajo merr mbrapsht prej tij.

E VEÇANTE: Në dukje një libër për fëmijë, kjo parabolë ka një mesazh të qartë për lexuesit e të gjitha moshave – për dhuntinë e të dhënit, dhe pranimin e mënyrave të ndryshme me të cilat, të tjerët na rikthejnë dashurinë.

8. RRJEDHA: PSIKOLOGJIA E EKSPERIENCËS OPTIMALE

NGA: Mihaly Csikszentmihalyi

VITI: 2013

PERMBLEDHJA: Studimet e Csikszentmihalyit gjatë dy dekadave të fundit kanë zbuluar se ‘rrjedha’ është ajo që i bën përvojat e jetës vërtet të kënaqshme – një ndjenjë e përqendrimit të thellë, zhytjes dhe absorbimit. Ky punim klasik mbi lumturinë prek psikologjinë bashkëkohore, duke kaluar në çështje të tilla si familja, arti dhe sporti, për t’iu përgjigjur përfundimisht pyetjes – si i bëjmë jetët tona kuptimplota?

E VEÇANTE: Ky libër do t’ju ndihmojë të identifikoni se kur jeni vërtet të lumtur – dhe kanalizoni ‘rrjedhën’ për të maksimizuar ato momente.

9. BOTA E SOFISE

NGA: Jostein Gaarder

VITI: 1991

PERMBLEDHJA: Një roman dhe një vepër filozofike, ky libër tregon historinë e Sofi Amundsen, një vajzë adoleshente që jeton në Norvegji dhe Alberto Knox, filozof në moshë të mesme që e prezanton atë me filozofinë.

E VEÇANTE: “Kush je ti?” Dhe “Nga vjen bota?” janë dy pyetjet kryesore, të cilave Sofia duhet t’i përgjigjet. Edhe ju do t’i peshoni.

10. ÇADRA E KUQE

NGA: Anita Diamant

VITI: 1997

PERMBLEDHJA: Ky roman përfytyron historinë e Dinas – bija e Leas dhe Jakobit dhe motra e Jozefit. Duke u bazuar në treguesit e Librit të Zanafillës, autori shkruan për jetën e grave në kohët biblike, duke prekur nënat, bijat, maminë, dashurinë dhe jetën në një vend të huaj.

E VEÇANTE: Duke qenë thellësisht feministe dhe thellësisht prekëse, kjo histori do të ndryshojë mënyrën se si mendoni për kohët biblike.