Ballina Sport Cristiano Ronaldo rrezikon një vit burg

Cristiano Ronaldo rrezikon një vit burg

SHPËRNDAJE

Përveç Lionel Messit edhe rivali i tij, Cristiano Ronaldo akuzohet për evazion fiskal. Autoritetet financiare në Spanjë mendojnë se portugezi ka bërë mashtrim financiar për një shumë më të lartë se 8 milionë euro, pasi nuk ka deklaruar ashtu siç duhet tek të ardhurat e tij në vitet 2011, 2012 dhe 2013.

Ka ende dyshime nëse bëhet fjalë për një krim ekonomik apo thjesht për shkelje administrative, pasi është mësuar se Ronaldo ishte përpjekur të rregullonte bilancet financiare ashtu siç duhej para se të fillonte hetimi ndaj tij, në vitin 2015.

Pritet që çështja të përfundojë në gjykatë para datës 30 qershor, pasi përndryshe kalojën afatet ligjore për të marrë në shqyrtim shkeljet e vitit 2011.

Sidoqoftë Ronaldo do të duhet të paraqitet para gjykatës për të dhënë versionin e tij të ngjarjeve.

Në rast se ngjarja cilësohet si shkelje administrative atëherë ylli portugez duhet të paguajë 8 milionë eurot që i detyrohet zyrës së taksave në Spanjë.

Por nëse shihet si një krim financiar, Ronaldo duhet të paguajë shumën, si dhe dënohet me 4 muaj burg për secilin vit në të cilin ka pasur shkelje, pra përkatësisht 1 vit.

Comments

comments