Ballina Sport Panuci nuk u kursehet disa lojtarëve: Respektoje ekipin kombëtar, s’mund ta ktheni...

Panuci nuk u kursehet disa lojtarëve: Respektoje ekipin kombëtar, s’mund ta ktheni në cirk

Trajneri ynë i kombëtares, Kristian Panuçi ka folur për konferencën për shtyp që mbajti para gazetarëve të vendit tonë ku u përgjigj gjithë pyetjeve që ata kishin thumbuese ose jo.

Ai foli për dy ndeshjet me Maqedoninë dhe Lihtenshtejnin, për gjërat që shkuan mirë ashtu siç ai donte por edhe për ato që nuk rezultuan zgjedhje të mira ose zgjidhje të mira nga ana e trajnerit ose lojtarëve. Ai i vlersoi ndeshjet dhe kërkoi nga lojtarët që të respektonin rregullat e caktuara nga ai dhe FSHF teksa ka treguar rastet e Cikalleshit, Abrashit dhe Kukelit që nuk e kanë respektuar orarin dhe janë vonuar.

“Kur vijnë në ekip duhet të ndjehen mirë, por duhet të kenë respekt karshi rregullave dhe fanelës që veshin. Sepse pa respekt për oraret për vendimet e federatës gjithçka shndërrohet në një cirk. Siç ndodhi edhe me një lojtar…nuk dua që ndonjëri të ndjehet më i mirë apo më i keq. Kombëtarja nuk është vend pune ku kërkohet leje për të ardhur një ditë më vonë. Sepse gjatë gjithë përvojës të gjithë lojtarët kanë fituar kontrata jashtë, falë ekipit Kombëtar dhe duhet ta respektojnë”.