Ballina Teknologji Lajm i mirë nga Instagram, videot që postoni do të jenë deri...

Lajm i mirë nga Instagram, videot që postoni do të jenë deri në 1 orë

Shumë shpejt të gjithë të apasionuarit pas ‘Instagram’, do të kenë mundësinë të postojnë në rrjetin social video të gjatë deri në 1 orë.

Sipas një raporti të ri, kompania po konsideron të zgjerojë risinë e “videos vertikale” dhe ka bërë bisedime me producentët për klipe të gjata të veçanta për Instagram.

Aplikacioni i njohur aktualisht të jep mundësinë e një video me një kufizim 60 sekonda, dhe në Stories me 15 sekonda.

Gjithashtu përdoruesit mund të transmetojnë video live deri në 1 orë, por Wall Street Journal shkruan se Instagram po përpiqet ta zgjerojë limitin e kohës për videot jo live.

Në fakt ky format përdoret tek Stories, por nuk është e qartë nëse limiti i ri kohor do të aplikohet vetëm në këtë kategori.

Për të marrë lajmet e fundit të “DuaLajm.com”, ndiq edhe faqen tonë në Facebook