Ballina Teknologji Nokia prezantoi një çip të ri për rrjetet 5G

Nokia prezantoi një çip të ri për rrjetet 5G

Nokia tha se është duke punuar me 30 operatorë për implementimin e produkteve të reja në kullat e tyre wireless.

Nokia prezantoi një çip të ri silikoni për rrjetet 5G duke premtuar rritje të kapacitetit të të dhënave për kullat celulare në zonat urbane ku trafiku është i lartë.

Kompania finlandeze dhe numri 2 në botë pas Huawei në fushën e telekomunikacionit dhe rrjeteve tha se çipet e reja do të mbërrijnë në tre mujorin e tretë të vitit.

Të quajtur ReefShark, Nokia tha se çipet e reja trefishojnë kapacitetin në 84 gigabit për sekondë nga 28 gigabit që është me modulet ekzistuese.

Këto module mund të kombinohen për të transferuar deri në 6 terabits për sekondë.

Nokia tha se është duke punuar me 30 operatorë për implementimin e produkteve të reja në kullat e tyre wireless.

Çipet mbështetin teknologjinë Massive MIMO dhe do të përgatisin botën për rrjetet 5G.

Koreja e Jugut, Japonia dhe Shtetet e Bashkuara kanë filluar përgatitjet për 5G-në që do të debutojë në 2018-ën ose 2019-ën.

Gjithashtu Bashkimi Evropian do të implementojë 5G-në në të gjitha zonat urbane deri më 2025-ën. 

Për të marrë lajmet e fundit të “DuaLajm.com”, ndiq edhe faqen tonë në Facebook