Moderatorja shqiptare Liberta Spahiu ka publikuar një foto nga pushimet e saj në Dubai.

Por këtë herë, bashkangjitur fotos, moderatorja i kishte shtuar një paralajmërim për të gjithë ata që e ndiqnin.

Të gjithë e dimë se për një personazh publik kundërshtimet për aspekte të ndryshme të jetës së tyre janë të shpeshta.

Po ashtu dhe komentet negative që ndonjëherë kthehen në fyese.

E lodhura nga të tilla gjëra, moderatorja ka shkruar vendimin që ka marrë.

“Mirëmëngjesi njerëz. Çfarë bëtë?! Desha t’ju tregoj diçka, miqve, dashamirësve, atyre që m’i shohin fotot fshehurazi dhe atyre me profile fallco që ndonjëherë harrojnë fjalëkalimin e tyre, çdo koment me përmbajtje negative, fyese, apo frustruese do të zhduket nga faqja e dheut. Pse? Shumë thjesht! Është instagrami im dhe unë bëj çfarë të më dojë qejfi. Ditën e mirë. Faleminderit”,-ka shpjeguar me detaje moderatorja.

Kujtojmë se Liberta prezanton emisionin ‘Prive’, sezoni i fundit i të cilit u mbyll vetëm pak javë më parë