Ballina Bota VIDEO/ Heq prangat, rrëmben makinën e policisë dhe ja mbath, shihni arratisjen...

VIDEO/ Heq prangat, rrëmben makinën e policisë dhe ja mbath, shihni arratisjen spektakolare të hajdutes 33-vjeçare

Kemi parë nga e gjithë bota filmime nga më të çuditshmet e deri nga më të çmendurat, por të shohësh një femër që arratiset nga policia është e diçka e pazakontë.

Në një video e cila është bërë virale në internet shihet momenti kur një grua 33-vjeçare, e cila ishte arrestuar arratiset në mënyrë spektakolare.

Ngjarja ka ndodhur në Teksas dhe video është regjistruar nga kamera brenda makinës së policisë “Lufkin Police Department”.

Gruaja u arrestua pas denoncimit të një blerësi, pasi i kishte vjedhur disa produkte.

Pasi efektivët e policisë e prangosën, e futën brenda në makinë për ta shoqëruar në komisariat.

Por femra në fjalë ka përfituar nga çaste sekonda që efektivët e kanë lënë të vetme brenda në makinë, pasi po kontrollonin jashtë çantat e saj.

Ajo ka hequr rripin e sigurimit dhe prangat nga duart e saj dhe më pas ka rrëmbyer makinën e policisë duke u larguar me shpejtësi të lartë.

Menjëherë efektivët u vunë në ndjekje të saj. Pas disa tentativave të pasukseshme nga policia arratisja e saj 23-minutëshe mori fund kur një nga efektivët bëri një manovër me makinën e tij duke e nxjerrë 33-vjeçaren nga rruga dhe duke e humbur kontrollin e makinës, dhe më pas u ndalua nga policia.