Operacioni i koduar Vol-Vo 4 nga Policia e Shtetit mbrëmjen e së premtes bëri të mundur arrestimin e 48-vjeçarit Hekuran Hoxha, i cili gjithashtu dyshohet se dyshohet se është koka e grupit ‘Avdylaj’, bashkëpunëtorët e dyshuar, të të cilit, u arrestuan në muajin tetor në kuadër të operacionit Vol-vo 4.

Hoxha 48-vjeçar akuzohet për disa vepra penale, mes tyre pjesëmarrje në grup kriminal, trafik droge dhe pastrim parash.

Hoxha, i cili gjithashtu njihet edhe si “Roni i Shijakut” rezulton të jetë kreu i një grupi të fuqishëm të trafikut të drogës nga Shqipëria në Itali e Turqi, ku trafikonte edhe droga të forta si heroinë. Hekuran Hoxha dyshohet se ka qenë porositësi i heroinës që prodhohej në laboratorin që u zbulua në fshatin Brenog të Hasit, ku u gjetën 250 kilogramë heroinë e ku u arrestuan 5 persona.

“Roni i Shijakut” dyshohet se porositi bashkë me Sajmir Gjepalin, heroinën që prodhohej laboratorin e Hasit. Burime bëjnë me dije se ata kanë mbajtur kontakte me biznesmenin Admir Hoxha ( i shpallur në kërkim) për ngritjen e laboratorit të heroinës në Has i cili u zbulua në tetor 2018. Hekuran Hoxha është arrestuar edhe në vitin 2009 si i dyshuar për trafikimin e rreth 400 kg heroine në Itali. Si dhe në vitin 2011 për trafik heroine në Turqi.

Mbrëmjen e 21 tetorit 2018, FNSH dhe RENEA në kuadër të operacionit të koduar Vpl-Vo 4 prangosën 24 persona mes të cilëve Avdylajt e Shijakut si dhe ish deputetet Arben Ndoka dhe Arben Çuko, emrat e të cilëvë dolën nga përgjimet e bandës së Shijakut me banda të tjera në Shqipëri. Policia arrestoi 5 persona për laboratorin e heroinës në Has, dy prej të cilëve u liruan nga Gjykata, pasi rezultuan se ishin punonjës. Ndërkohë, në kërkim vijojnë te jene ende dy shtetas turq.

LEXO EDHE:  Lezhë/ Bie në pranga 32-vjeçari i shpallur në kërkim gjatë operacionit "VOL-VO 4"