Një ditë para përfundimit të afatit për të qenë pjesë e strukturës së SPAK, kanë aplikuar 6 prokurorë të tjerë.

Prokurorët që kanë aplikuar sot për t’u bërë pjesë e SPAK, mësohet se janë Prokurori i Apelit Tiranë, Altin Dumani, prokurorja Enkeleda Osmani si dhe prokuroja në Prokurorinë pranë Gjykatës së Shkallës Parë Tiranë, Elida Kackini (Celami).

Gjithashtu ka aplikuar edhe Enkeleda Millonai, Prokurore ne Prokurorinë pranë Gjykatës së Shkallës Parë Elbasan. (Aktualisht me Urdhër të Prokurorisë së Përgjithshme është ne pozicionin e Drejtuesit të kësaj Prokurorie) si dhe Prokurori pranë Gjykatës së Shkallës së Parë Vlorë, Maksim Sota. Listës i është shtuar edhe prokurorja e Krimeve të Rënda, Elisabeta Imeraj, e njohur si një nga prokuroret që hetuan ish-ministrin e brendshëm, Saimir Tahiri.

Fillimisht data e aplikimeve ishte deri më 6 shkurt, por ky afat u shty deri më 12 shkurt pasi nuk kishte kandidadë mjaftueshëm.Deri tani kanë aplikuar 23 prokurorë për 15 vende dhe pritet që në institucionet e reja që pritet të formohen për llogari të reformës, pritshmëria më e lartë publikë është për SPAK, strukturën e veçantë që do të hetojë dhe vendosë para përgjegjësisë politikanët dhe zyrtarët e lartë.

Prokuroria e Posaçme (SPAK) i kryen funksionet e saj në mënyrë të pavarur, nëpërmjet prokurorëve të posaçëm, të cilët emërohen nga Këshilli i Lartë i Prokurorisë.

22 prokurorët kandidatë për në SPAK:

1.Klodjan Braho Prokuror në Prokurorinë pranë Gjykatës së Shkallës së Parë për Krime të Rënda Tiranë.

2. Besnik Muci Prokuror në Prokurorinë pranë Gjykatës së Shkallës së Parë Tiranë.

3. Anton Martini Prokuror në Prokurorinë pranë Gjykatës së Rrethit Gjyqësor Shkodër.

4. Edvin Kondili Prokuror pranë Prokurorisë për Krime të Rënda.

5. Ened Nakuci Prokuror në Prokurorinë pranë Gjykatës së Shkallës së Parë për Krime të Rënda

LEXO EDHE:  Pak para mbylljes së garës për SPAK, një tjetër prokurore i shtohet listës së 23 aplikantëve EMRI)

6. Eugen Beci Prokuror në Prokurorinë pranë Gjykatës së Shkallës së Parë për Krime të Rënda

7. Doloreza Musabelliu Prokurore në Prokurorinë pranë Gjykatës së Shkallës së Parë për Krime të Rënda.

8. Arben Kraja Prokuror në Prokurorinë e Përgjithshme.

9. Vladimir Mara Prokuror në Prokurorinë pranë Gjykatës së Shkallës së Parë për Krime të Rënda.

10. Dritan Prenci Prokuror në Prokurorinë pranë Gjykatës së Shkallës së Parë për Krime të Rënda.

11. Shkelzen Cena Prokuror pranë Prokurorisë së Rrethit Gjyqësor Diber, aktualisht i komanduar në Prokurorinë e Tiranës.

12. Behar Dibra Prokuror pranë Prokurorisë për Krime të Rënda.

13. Besim Hajdarmataj Prokuror në Prokurorinë pranë Gjykatës së Shkallës së Parë për Krime të Rënda

14. Dorina Bejko Prokuroria e Rrethit Gjyqësor Pogradec.

15. Vate Staka Prokuror në Prokurorinë pranë Gjykatës së Shkallës së Parë Shkodër

16. Fatmir Hoxhaj Drejtor në Drejtorinë e Administrimit të Pronës Shtetërore, Ministrinë e Financave, 12 vite në sistemin e Prokurorisë

17. Altin Dumani Prokuror në Prokurorinë e Apelit Tiranë

18. Enkeleda Osmani (Xhengo) Prokurore në Prokurorinë e Gjykatës së Shkallës së Parë Durrës

19. Elida Kackini (Selami) Prokurore në Prokurorinë e Gjykatës së Shkallës së Parë Tiranë

20. Enkeleda Millonai, Prokurore në Prokurorinë e Gjykatës së Shkallës së Parë Elbasan, aktualisht drejtuese e kësaj Prokurorie.

21. Maksim Sota Prokuror në Prokurorinë pranë Gjykatës së Shkallës së Parë Vlorë

22. Donika Prela Prokurore në Prokurorinë pranë Gjykatës së Shkallës së Parë Durrës. Aktualisht drejtuese në Prokurorinë pranë Gjykatës së Shkallës së Parë për Krime të Rënda.

23. Elisabeta Imeraj Prokurore në Prokurorinë e Krimeve të Rënda në Tiranë.